MIN HMANGAIHTU

Mu thei lo in ka khumah chuan ka let ka let a, ngaihtuahna dang dang ka ngaihtuah neuh neuh a, chutia ka inngaihtuah lai tak chuan ka khum lu a ka cell phone dah chu a lo khur cher cher a, rang fet hian kan han la vat a, kan en nghal vat a, “Happy B'Day. I piancham ka lawmpui che in Pathian in awmpui zel che rawh se.” tih hi alo ni a.

Chu message min rawn thawntu chu kan han en nghal a, ka thian tha tak mai hi a lo ni a, lawmthu sawina chu kan thawn let ve nghal mai a. Ani chuan ka mut tawh ringin wish hmasatu nih rawn tum takin ka piancham chu zan 12:05am chiah la ni chungin a zan mu turin min rawn wish a lo ni a, ani chuan i va mengrei ve, enge i tih em em a, a rawn ti a, ka meng satliah mai thu leh ka thiannu hnenah chuan ti hian ka thawn a, “zanin chu hman zana i hnena ka sawi kha ka ngaihtuah leh a, min hmangaih tak tak angem le? Keini ve te ang, engmah kan ni si lo mi te hnuaichhiah leh kawm that peih loh kan ni si a,” ka han ti a, ani chuan a hmangaih lutuk che, nangmah nghak che in a awm reng a sin, nang lahin i awih tha duh der silo. I ring hleh tlat si a rawn ti a, kei chuan ka dinhmun ka thlirin awih harsa ka ti em alawm, retheihna chu thu hran ni se, ka sual bawk si a, ka’n ti leh a, ani chuan zaninah lo inngaihtuah chiang la, naktukah kan sawi tha leh dawn nia. ka mut chhuak em mai, zing thawhhma ka ngai bawk si. “Gud nite phot” a rawn ti a, kei chuan ‘Ok..nite2 le’ kan ti ve leh mai bawk a.

Ka thiani sawi chu kan ngaihtuah thin, heti ka ni chung pawh hian min hmangaih in min lo duh ve a nih si chuan engah nge ka aw tawp mai lovang.

A mah zawkin min hel min hel chung pawh a, lo hnar khanglang tur chuan tunge maw ka nih le. ka ti a, ka mutna atang chuan kan thu hlawlh a, ka phone chu kan khawih a, mahse zan rei tawh a ni tih kan hre chhuak a, tu han biak tur ka hriat tawh lem loh avang chuan ka dah leh mai a, ka khum bul tuk verh ah chuan kan dak vang vang a, ka ngaihtuah ngai chiah chu kan ngaihtuah nawn leh a.

Chuti taka min hmangaihtu Ka Lalpa chu engahnge ka phatsang ang a, kan hnar bik teh lul ang le, atan a rawngbawl a, ka nun hlan mai tur ka ni a sin” ka ti a, a hnenah cuan ka nun chu hlan mai tur ka lo ni ka ti a, ka khum bulah chuan ka thingthi a, Ka Lalpa hnenah chuan a, a rawngbawl tur leh a duhna hmun a piang a, kal tur chuan ka inhlan ta a ni.