Amahah chawl la
A rawngbawlin theihna zawng ka hlan a,
A malsawmna nasa tak min vur a,
A nuam leh hreawmah pawh tiin,
Rawngbawlna tluang ka zawh laiin.
Vanduaina a lo thleng a, ka kun ta;
An awmdana vanneihna dawngtute
Avangin ka na a, ka rum a,
Aw!! Lungawi har ka va ti em.
Vanduainain kian zai a rel laiin
Hun ni chhiarin hringnun tluang zawh tur a
Hringnunah hmathlir ka neih laiin
Vanduaina rawn inlar leh si
He hringnun hian a hrethiam lo a ni
Ka rum a, ka tap a, Ka na a ni.
I lakah vuiin ka dem che a
Belh tur dang ka nei chuang si lo
Amah chu ka nghak a, ka chawl ta a
Amah beltu ban chu a chelh reng si
Thim leh lunngaihna alo thlen paw’n
Lalpa chuan mi hruai ta si a
Ka na min chhawk a
Vanduaina pawh amah nen kan nih atang chuan
Chakna min petu a lo ni ta.
-Tluanga Varte