Hijra (Vai tuai) nen

Kum 2011 khan Delhi leh Mumbai te Excursion in kan tlawh a, relin kan kal a, kan nin ber chu Vai tuai lo kal thin kha a ni. Kan thiante chu an kap te an khawihsakin pawisa te an dil a, an hlau em em a, pawisa pek chu sawi loh en pawh an en ngam lo a, an kut ben ri an hriat tawh chuan an biru nghal a, toiletah te an lut a, rel seat chung berah te rang mangkhengin an tlan lawn thin kha a ni a, keini chu vanneih a siamin min khawih ve mai lem lo a, ka hlau lutuk lem lo a, mahse hlau lo tihah kan rama kan pawr ang em em chuan kan pawr ngam chuang lo a, hemi kan zin tum hi chuan kan la tawn loh avangin kan ti ti naah kan tawn ve hun chu engtin nge kan awm ang aw tiin kan sawi fiam mai mai a, ka thianpa chuan ka a der vak mai ang..hmanah pawh ka a der tawh a, min kal pel ve mai a ti a, keichuan han tih vak ngaihna ka hre lo a, lo tawn tawp kha ni mai. Hei erawh ka rilru chu a ni, pawisa ka pekna chhan tur ka hre lo tih hi, 2005 ka zin tum pawhin vawikhatmah pawisa ka pe ve lo ngat reng a, min tibuai bik lem lo bawk a. thianten an lo pe zel bawk nen ka him chu ni deuh mai thin ni berin a lang.

Tuk khat chu zingkarah hian rel thutna hnuai bera ka mu chu tu emaw hian min rawn kheuh zeuh zeuh reng a, va ninawm e tih pah chuan kan hawi chhuak chu Hijra tuai sekpui mai hian kut hi alo dawh hu a, kei inring hman bik lo chuan rang mangkhengin ka mutna mawnglamah chuan ka tawlh pit thla nghal a, ka hlauh ve tep a, ka tawlh chhuak zawk chuan a thlangah chuan ka ding a, ka han en chuan kan thianpa hi pawisa alo dil hi a lo ni a, kan thianpa chu hma deuhah a tho a, kan mutna bulah chuan rawn kalin a rawn kal lai tak chuan chu tuaipa chu a lo tawng chu niin ka en chuan ka thianpa hlau lutuk che chang thei tawh si lo chu a lo ding khawng reng mai a, darthlalang ah chuan a in en der a, mahse a che ngam der lo, chu tuai chuan pawisa a dil a, pek pawh a tum chuang lo a, engtia rei nge an lo indin chilh tawh tih pawh ka hre lo, ka thoin ka en chuan a lukhum lum khum chu a lo laksak a, chu tuai pawh chu a beidawng ve ta ni ang a kalsawn ve ta mai a, a hnua kan sawi leh naah chuan kan thiannu kan piaha mu pawh chu a lo kheuh a, mahse ka muhil der tlat a, a ti. Hemi tum kher hi chu ka thinrim bawk si, hlau ve deuh tho si. Kan inhrosa ta lawm le, rawn kal leh vaih the se an hre ve viau ang kan tia, kan thiapa pakhat (ka a der mai ang ti tu ) nen chuan kan lo chhaih ang kan ti a, a tuk velah niin ka hre ta, kan thutkhawm lai tak hian pakhat hi a rawn kal ta lawm le, keini lo inring pen pawn tawh kan ni bawk a, kan lo chhaih ta mai chu a, a zam ve khawp mai, an kut ben thin dan ang khan kan ben khum a, pawisa a rawn dilin a tihdan in kan ti ve zel a, kan nuih tiah tiah bawk a, tuai kha a mah chiah a ni bawk nen tih vak ngaihna a hre lo chu a kal ta nal nal mai a, kan chhaih zam der chu a ni ta mai a, nuam ve tak chu a ni. Kan piah a vai thu te pawh an lo nui hui hlawm mai lawm le…

            Tumkhat pakhat hi a lo kal leh a, ka thut lai tak hian a nia, min hruaitu kan sir chuan hlau lutuk hian hawi pawh hawi sawn ngam lo hian alo thu tawm tlat a, kei a sir berah ka thu a, ka inla pa ve deuh ngat bawk nen pawisa min rawn dil a, ka ngawi reng a, ka biang rawn zut a tum tak chu rang fet hian a kut chu ka lo benthlaksak hmak a, a thinrim khawp mai, rawn tih leh a tum a, ka lo bengthla leh a, min zuam vak lo niang phun nuah nuah chung chuan min kalsan ve leh ta mai bawk  a.  

            Zan khat an lokal leh a, hmeichhia hi chu an khawih ngai vak loh avangin hmeichhe tan hi chuan a hlauhawm vak lo a, chubakah hmeichhe bula lo thut hi chuan min ngam lo deuh thin bawk a, chumi zan an lokal leh chuan rel seat  chung bera kan lo awm lai hi a nia, kan thian hmeichhia 2 te nen kan lo ti ti a, an lo kal ka hmuh chiah chuan hmeichhe bulah thu bawk nen achunga thu bawk nen “hey larki” ka lo ti khum tiah tiah a, an rawn hawi let a, an thinrim hmel khawp mai. Ka lo au leh thin a, min melh rum lutuk, mahse ka thutpui ka thiante khan ti tawh suh an ti a, anni pawh chu an kal ve leh mai bawk a, tuai ho hi chu ka ngam em em pawh an ni bik lo a, mahse pawisa pek hi ka tum lo bur a ni mai, an kutthlawn hi ka tuar bik tur a ni lo tih hi ka rilru ni bawk.

Nikum 2012 Digha kan kal tum erawh chuan toilet-ah ka bikruk san ve tho bawk a..haha.

Kum 2005 Nashik (Maharastra) kan kal tum pawhin rel station-ah kan thianpa nen kan din lai hian pawisa min rawn dil a, kei a sirah ka awm daih a, ka thianpa chu a um a um a, ka thianpa lah lo fing ve bawk a, kan dinna bula car nalh deuh mai hi Pa pakhat hausak hmel deuh hian a rawn park chiah a, car atang a arawn chhuak chu ka thianpa chu lo zualkoin min tibuai reng mai alo ti a, ani lah chuan lo hlaulo nasa mai chu tuaipa chu a hau hrep a, phun nuah nuah chung chuan min kalsan ve ta mai a ni.