Chawhnu dar 1 velah chuan Tetea chu phur tak mai in a pindanah chuan a
lo in siam malh malh a, a thawmhnaw hak turah rilru a seng nasa hle mai,
thawmhnaw tha tak a hak loh chuan an
thianpa u te inneihnaah chuan a nalh lo bik ang a, mi an tam dawn si a, a confi lo ang tih a hlau a, a
thawmhnaw hak tur pawh a ma neih ve takah chuan a tha ber leh nalh a tih ve ber
chu an thlang a, Inneih inkhawmnaah an thiante hoin inkhawm lo mai ang u an tih
avangin in lama chaw ei tur leh zan lama awm tur chauh a, kal tum an ni bawk a,
Jeans leh T-shirt leh Sneaker a bun a, a sam te chu uluk takin a siam a, rimtui
an in kap sar sar bawk a, ama tawkah a confi ve hle a ni. Tetea hi tlangval fel
ve tak, ruihtheih thil mai baka zuk leh hmuam pawh a insum tha viau a, engemaw
chang a kuhva han ei mai chu a tih ve chhun ni ber mai. Kohhranah pawh atheih
leh phak tawka in hmang, an KTP Committee member ni ve a ni a, amah hi a
thiante chuan nula ngaihtuah vak lo leh ngaihzawng neihna chang pawh hrelo ti
a, an fiam thin a ni a, a ni lah tak a, tetea hi a lerh lem lo a, ngaihzawng
lam pawh a ngaihtuah em em lem lo a, tawngtam lem lo tih takah a sawi khat hle.
Mahse ngaihtuah lo tawp chu a ni hran lo. Khawlai vela nula chhe lo deuh a hmuh
chang te hian a thlir ve vung vung tho a, athian nula chhe lo deuh te chu kawm
pawh nuam a ti ve em em tho a ni. An thian ho hi High school an kal lai atanga
in kawm chho, in ngaina em em leh inkawm ngeih em em mai an ni a, tunah College
te kalin a then phaiah te awmin, college kalna te in ang tawh hlawm lo mahse,
an in hre reng a, chaw eikhawm leh engemaw ti khawm let let te hi an la ching
reng a, an in hmu khawm reng reng thin a ni. An thian te phai awm an lo haw
chang tein chaw te an eikhawm thin a, an hlim thei hle a ni.
Vawiin pawh
hian an thianpa u in nupui a nei dawn a,
chuta kal tum chu an ni a, an thian ho chu an phur hle mai. Tetea pawh hian
chawhma Class a kal phawt a, inneihna kal duh vangin chawhnu period awm lo in a
haw hma a, chutia a insiam mawlh mawlh lai chuan a fawnte chu a lo ri tit a,
“Hmn dn twh m? K hmn twh,lo ghak reg ce nya” tih Michaela message hi a lo ni
a, Tetea chuan an chhiar a, an chhang a,
“Hman trep, lo ghak rh…k rn co dwn” a ti a, chuan a insiam zawh chuan Chehpuah
chuan a chhuak ta a.
Tetea te hi
chhungkaw hausa an ni hran lo a, mahse a pain kohhran vel ahman tangkai theih
nan leh rual awt lutuk a an awm loh nan Bike a lei sak ve a, Tunlai thalai tam
tak angin a sual phah ve lem lo a, tul takah lo chuan a lek chhuak zen zen lem
lo a ni. Michael-a chu a han sawm chho
a, Inneihna lam chu an pan ta a, Michaela hi an veng a inhnaih mai bakah, an
thian bikah chuan College khata a kalpui chhun a ni bawk a,a thurualpui nasa
hle a, dar 2 velah chuan an va thleng a, Pa Lawma hnena chuan Michaela chuan
“Khawnge Dave-a te” an ti a, Dave-a pa chuan ka van hre mai lo, nichin kha
chuan inthiante nen khan a room-ah an
awm kha, han chho chhin te u” a ti a, chuan In chunglamah chuan an chho
dun a.
Dave-a room chu an lo ri deuh laih laih a, an
va luh chuan an lo phu deuh zuk hlawm a, mahse Tetea leh Michaela a ni tih an
hriat chuan engah an ngai leh lem lo a, an zu in lai pawh chu an lo chhunzawm
ve leh mai a, Dave-a chuan “in va rawn tlai em em ve” alo ti a, “Nia, Class kan
kal leh zawk lawm le” Tetea’n an tih chuan, Rs-i chuan tul lo thei bik e, keini
pawh kan chawl ve mai a, han kal bik, inlak fel thlak emai, a lo ti nung nung
a, an lo kai deuh tawh tih a hriat bawk a, an lo phun nung nung hlawm a, an
thian ho hi an in nel hrim2 a, an in fiam vak
vak a, an in tih vak vak pawn huatah an la lem lo a, reilo te hnuah tha
deuhin an in kawm ve leh mai zel a, chuan Tetea te pawh chuan an thut bialna an
ti ti chu an va zawm ve a, Mike in ve
nghal dawn em? Tih pah chuan an lek chhuak a, ani lah chuan an lo ban ve nghal
mai bawk a, an ti ti a, an nun hlui, high school an kal lai te, an ngaihzawng
chungchangte an sawi a, an hlim tlang hle mai a, an thian zingah hian zu in lo
4 an awm a, Tetea leh Dave-a leh Mapuii leh Lt-i te an ni a, adang ho chuan an
in vek a, mahse chutia han in em em an ni lo a, thil tihkhawm nikhua hian
inkawm hlim nan an in mai a ni a, Michaela chuan zanin chu ka driver Tetea hian
zu in ve re re se atha ang. A rawn ti fiamthu a, thian dangte lahin ni e, in ve
rawh se, kan tulh ang an tia, tulh an tum a, Tetea chu a tlan chhia a, room
atangin atlan chhuak a, an nui dar dar a, Michael an a rawn um a, man a rawn
tum a, Balcony lamah an in um phei a, midang chuan pa lo emai, Mike um duh tawh
suh. An rawn ti a.
Tetea chu Balcony lamah a tlan phei a, leh
hawi pah an rawn la um em tih en chung chuan an tlan phei a, chutia atlan phei
chuan Bathroom atanga lo chhuak nula pakhat chhe lo deuh mai hi a va su a, nat
chu a na lem lo a, a au thawt a, Tetea zak lutuk chu a ding chawt a, a sen tan
tan a, en pawh a en tha ngam lo a, i na em? Chu an ti a, nula chu a lo fel a,
na love, a na dawn maw ka tia, ka hlauthawng deuh a ka’n au vak nih kha a ti a,
mi dang an tam lo hlauh zawk a, Tetea’n an en chian chuan chu nula chu chhe lo
a ti kher mai. A mit chuan khawdang hawi sawn thei ta der lo mai, en reng pah
chuan a na lo tak tak maw an ti leh a, na love, tinge I va rawn tlan nasa ve a,
an ti a, ka thiante nen kan infiam a, min um vak a, an ti a, tlangval ve tawh
han tlan vak te chu a, an ti fiamthu vel a, ka tih palh lutuk aw, Tetea chuan
an ti a, engmah a ni hleinem a ti a,
chuan inhnuai lamah a chhuk ta a, Tetea pawh chu tuma’n an rawn um zui loh
avang chuan Dave-a room lamah chuan a phei ve leh a, an lo ri leh dar dar hlawm
a, an thian ho awm khawp hi chu an hlim thei khawp a, an bengchheng lo thei
thin lo reng a. Tetea va lut chuan hawh u, chaw ei tawh ang u, an dawh tawh a
nia, ril atam tawh teh a nia, an rawn ti a, I zak em, I in ve phawt loh chuan
an lo ti leh a, in ho emai a, hawh u dawh
tawh ang u, chaw eikhamah in in leh mai dawn lawm a rawn ti leh a, Michaela
chuan tun no chiah hi inzo ila kan dawh dawn nia arawn ti a, chuan an in zawh chuan an chhuk thla ta a.
Dave-a te hi chhungkaw hausa tak mai an ni a,
an in pawh a lian tham hle mai, a pa hi Contractor a ni a, sum pawh an ngah
khawp mai. Chuan an in chhawng chungber atang chuan a hnuai berah chuan an
chhuk a, kawtah chuan chaw an dawh laih laih tawh a, mi an tam khawp mai.
Hausak hmel pui pui leh changkan hmel tak tak, an tam hlawm khawp a, an monu
lam pawh an tam khawp mai. Pa Lawma chu a lo kai ve phut tawh a, Bawiha te u
chaw va dawh rawh u, in ei teuh dawn nia an ti a, an ngam tlang hrim hrim bawk
a, Rs-i chuan Pa Lawm sum lam te, zanin chu Zawlaidi leina tur min pe ve la,
engmah pawh kan neih ve loh hi an ti a, a ni lo kai deuh tawh bawk, nakinah
chaw eikhamah min rawn dil leh dawn nia, a lo ti sam et mai a, An thian ho
chuan chaw chu an va dawh dawn a, an in zui phei tham tham a, Michaela chuan
“saw nu saw a va chhe lo reuh ve” an ti a, midang chuan tu chu maw, nang lah hi
chhe lo hi in hmu thei khawp a, tih pah chuan an hawi deuh hru hlawm a, an
inkawh hmuh hlawm a, mipa ho chuan a nih saw va chhe lo reuh ve an ti a, Rs-i
chuan dawh mai mai teh u, in lerh lutuk hi alo ti a, a hnung berah ding Tetea
chuan a fawnte khawih malh malh pah chuan engmaw insawi a, a rawn ti a, i tlai
thei emai a, tih pah chuan a hma chiaha ding Mapuii chuan saw nu saw lawm chhe
lo an lo ti leh pek tawh a, mipa ho hi chu inlerh hlawm lutuk mai tih pah chuan
an in tlar chu an kal zel a, Tetea chuan an piah deuh a, nula pathum chaw ei
lai an en chuan a thlir ta vawng vawng
a, Dave-a chuan saw pa saw en teh u, a
zahpuiawm zia saw, rawn kal zelna chang pawh a hre lo, chhe lo deuh kha a la en
mawle, a ti a, an nui dar dar a, Dave-a chuan Lal Tete kha i hnung a mi te i ti
khawtlai dawn a va ti vak a, a rawn hawi chu Mapuii nen an in kar chu a lo awl
duai a, zak tih hmel tawkin a rawn tlan phei vat a, a sen tan tan a, a thian te
chuan i lerh lo hle emaw tih naklai a, an ti a, an nui leh dar dar a, an fiam
zui zel a, Tetea chuan ho e, an ti ngawt a, amah vek chuan tak tak a, nichinah
saw nu saw ka su a, ka zak teh sin aw, mahse a chhe lo em a, zia tho an ti
fiamthu a, chaw dawh pah chuan mipa ho chuan chu nula chu an sep zel a, chaw an
ei kham chuan Pa Lawma chu an zawng ta a, Inchhung a, a thiante nen an ti ti
lai chuan Rs-i chuan a va hrilh ru sa sa a, a thiante chuan kawngka bulah chuan
an lo nghak thap a, Cheng 1500 hi a rawn pe a, an hlim tlang hle a, room lamah
an chho a, ti ti pah chuan an zu neih sa chu an han in leh khalh khalh hlawm a,
Pa Lawma pawisa pek khan adang la turin 2 an chhuak bawk a, an hlim nuih bawk
bawk lai chuan Tetea chuan a nu sut nu kha a ngaihtuah rauh rauh a, chhe lo a
tiin, a star ru hle mai a, mahse engtia han tih chi nge ni ang aw a ti a, a
rilru a seng ve nasa hle mai. Ka va
inthiar lawk a ti a, a chhuak a, hmuh leh a beisei vang leh chauh zawk a
ni a, mahse a hmu chuang si lo a, a hawi
vel vak pawh chuan a hmu lo a, hmuh leh a chak hle mai a, an haw tawh maw ni le
aw a ti rilru rauh rauh a, tui inhal lo pui inhnuai lamah tui te a zuk in kual
a, a hmu chuang si lo a, an haw tawh nih dawn hi a ti a, chuan a chho leh ta a,
Tetea hi hmeichhe chhelo a hmuh pawhin ataka tilang ngai em em lo, mahni a
ngaihtuah mai chi a ni a, a thiante pawh a hrilh ngai lem lo, chhe lo tih leh
duh ruk te chu a nei ve fo tawh thin a, mahse ngaihzawng nei a, in tihbuai hi a
duh ngai lo a, an chhungkhaw khawsak nen ngaihzawng neih a la in rem lo a ti
rilru tlat thin. Chubakah a zirna in achhiat phah a hlau bawk a, ngaihzawng
neih a, chetsual te hi a hlau thin em em bawk a ni. A kumah chuan nei rual tak
pawh a ni ve reng tawh tho. Tum kum hi a kum 20 tlin kum a ni ve tawh hrim hrim
a ni.
Chutia
azawn ruk ahmuh tak si lohah chuan achho leh ta a, khua pawh alo tlai chho ve
ta a, thiante ti ti pawh a tui ta nak nak hle a, a nawi deuh nak tawh bawk a, a
rui lo ho lah chu a fiamthu thawh peih leh tawng peih peih an ni hlawm a, an ri
dar dar reng a, Dave-a a rawn lut a, haw u, inchunglamah thalai programme a awm
dawn nia, kan lam ang chu le, Full Moon Zan ni leh nghal a, nuam dawn teh nia,
a rawn ti a, an phur hlawm kher mai. An tho suau a, inchungzawl lamah chuan an
in zui chho diah diah a, thalai an lo la awm nual chu niin, an sound system-te
an lo check kual vel a, a thian bil te te in an thu khawm a, an ti ti mar mar
a, an ni thian ho an han thleng a, an in laneitu bawk a, Michaela chuan lam
tawh ang u an ti ngawt pek a, an lo nui dar dar a, enge in nuih in lam ve chak
lo mi, an ti leh a, athiante chuan, “ngawi mai mai teh, i ti zahthlak, nakinah
a theih hunah i lam mai dawn lawm, sound an la siam saw” an ti a, chutih lai
chuan a rawn ri ta phut a, hla an rawn play a, thalai ho chu an tho ta suau
suau mai le, an thianho chu an rui phur tawh nasa mai si. Rs-i ho chuan an lam
a, a rui ve lo Tetea leh Mapuii leh Lt-i te chu kilkhatah hian an la ti ti a,
Chutia an ti ti lai chuan an piah deuh thim lai deuh a, nula pathum thu hi
Mapuii chuan a va hmu a, Tetea hnenah saw nu saw i sut kha ni lawm ni, lampuiah
va sawm la, ngaihdam dil nan ni mai lawm an ti a, Tetea’n an en chuan a nih
saw, mahse lamte chu ka duh teuh lo, ka lam ngailo hrim hrim a’n ti a, Tetea
chuan hawh u, an bul hnaihah sawn va thu phei ang u, tih leh thawh a rual a,
Mapuii leh Lt-i chuan an zui ve mai bawk a, chuan an bulah chuan Tetea chuan
kan lo thu ve dawn, in phal chuan, ka su tawh lo ang che an ti fiamthu a,
nula-i chuan lo thu rawh u, min sut tawh dawn loh chuan an ti ve a, Tetea chuan
hei ka thiante, Mapuii leh Lt-i te an ti a, ani chuan nangmah pawh an ti a,
Tetea chuan ni dawn tak e, tih pahin a hming an sawi a, chibai pah chuan kei
Melody tih pahin athiante a in hmelhriat
tir ve a, an thu ho ta a, tinge in lam ve loh a, Tetea chuan an ti a, Melody
thian te chuan Lal Me-i hi a lam peih si lo a, kan lam san chuan amah chauh a
thut a peih si lo a, kan thutpui vel mai mai lawm an ti a, nangni pawh an tih
chuan Mapuii chuan keini chu kan chi cut lam tak a ni an ti ve a, an ti ti chho
ta a, an thiante lam an va en chuan nuam
an tih hmel hlawm hle a, nula chi hrang hrang an lam pui a, an in ti
thei hlawm hle a ni. A chang leh an rawn hui zauh zauh a, kal ve turin an ti a,
lu an thin san mai a. An thiante lam lai chuan an lo ti ti char char a, an veng te leh thil chi hrang hrang te an inhrilh
hlawm a. Mapuii fawnte a lo khur hlak hlak a, an chhan chuan a nu chuan lo haw
tawh turin alo ti hi a ni a, Tete ka nuin min rawn call a, kan haw mai ang,
Thiante ho chu lo hrilh mai rawh a ti a, Lt ihaw ve dawn mi an ti a, Mapuii
ruala ka haw loh chuan haw na ka nei nang a ti a, nih chuan ka lo hrilh mai
ang. Nih leh phawts u, mangtha u an han in ti a, an haw ta a. Me-i kan lam ve
tawh dawn hei Tetea awm tho a, a lo thutpui dawn che lawm melody-i thiante
chuan an rawn ti a, Naaa.. ho emai a, melody chuan a ti a, Tetea chuan in duh
chuan va lam ru, kan lo ti ti ang an ti a, nih leh va lam mai ru melody chuan
an ti ve a, lamna lamah chuan an phei san ta a.
Tetea chu
alawm r’u hle a, chhe lo atih leh a zawn ruk bula an thu a, an ti ti thei chu,
an pahnih chauh an nih takah chuan a lai leh deuh ti tih hial a, tawngtur a
haih chham ta hle a, a ngawih deuh fet hnuah chuan melody chuan, ‘i va ngawi ve
nuam lo i ti ni maw’ a rawn ti a, Tetea chuan ni lo ve, an ti a, an ti ti zawm
a, Melody chu 1st year B.Com Hrangbana College Zirlai a lo ni a,
Monu chu an thiannu u a lo ni ve bawk a, an thiannu chu lam zingah chuan tetea
chu an kawh hmuh a, an va in ang e, phir te pawh ni awm an nih saw, Tetea chuan
an ti a, tin Tetea chuan a kal ve chhan te an hrilh ve bawk a, an veng te leh 3rd
year B.A Aizawl College a kal a nih thu te an hrilh ve a.
Thla lah
chu a eng nasa mai si, Chu zan kher kher a, a vei ruk tak bula an thu thei a,
an ti ti siam chu tetea chu a va hlim kher em!! Ngaihzawng neih duh lo thin teh
mah se, Melody chu a chhiatloh bakah kawm nuam atih em avang chuan hmalak ve
ngei chu a duh rilru hle a, engtia han tih chi nge aw a han ti rilru nauh nauh
a, an in ngaina ru nghal ve ve hle a ni tih ahriat theih a, Melody chuan Tete
vawt i ti em an rawn ti hlawl a, Tetea chuan a bula nula ngaihnobei tak thu
chuan vawt a ti tih a hrethiam mai a, nia, a vawt reuh emai, inchhunglamah kan
lut dawn mi an ti a, a zahthlak awm e, hmelhriat pawh an awm awm si lo a, an ti
a, Dave-a roomah kan ti ti zawk dawn nia. A lum nuam deuh ang an ti a, nih
chuan pawi hleinem a ti a, an in zui phei ta a, an lam tui hlawm bawk a, an
thlan a tla hluam hlawm a, Room-ah chuan Dave-a hi a lo awm a, a kawr a lo
thlak hi a lo ni a, an va lut a, e he Dave chu i lam reng emaw ka ti a, nia, ka
lama mahse lum ltk a, ka inthuam danin zir lo bawk sia, ka han inthlak lawk
lawm le, an ti a, Tetea chuan hei hi Melody nih hi, melody hei hi Dave-a chu
Mopa nau chu an ti a, an in chibai a, Dave Mapuii kha a nun a rawn phone a,
Ts-i nen an haw ta nih kha, i la lam tui sia lo sawi mai rawh an tia, aw, pawi
loh chu. Ti khan lo awm rawh u, lam a la lang tlat tih pah chuan a chhuak a, an
pahnih chuan Dave a khum bula Computer bulah chuan an thu a, Computer han
enkual pah chuan an ti ti leh a, a la vawt em, a zia tawh lutuk. Dave chu room
a va nei nuam ve aw, an ti a, nia, an hausa a, an ni chu an ti leh a, thlalak vel te chu an han en kual a,
tetea rilru chuan engtin nge melody hi aneih theih ang tih a ngaihtuah reng a,
ho emai, zah leh zah ti rilru chungchuan Melody an ti a, ani chuan imm..vawiin
ka sut che kha ka tih palh lutuk aw, an ti a, ho lutuk kha te chu engmah ni
hleinem an ti a, nih thil pakhat ka sawi duh chu ka hmuhtirh che khan…….enge
alo ti a, hnuai lam en reng pah hian ka rilruah i awm reng a..an ti ta phawng
mai a, melody hmel ah chuan danglamna a awm lem lo. Alo hrethiam vek tawh a,
“Ani chuan keini te chu ngaihzawng chi pawh kan ni hleinem” an ti a, engah
chuan maw an ti a, a ngawi ta daih a, Tetea pawh chuan a hnar lutuk lo ni a
ahriat avang chuan a kutah vawn pah chuan Melody ka hmangaih che a sin an ti
leh ta a, Melody chu angawi reng a, Tetea chuan min hmangaih ve lo mi an ti a,
a hmuiah chuan an fawh sak a, duh thawh taka an infawh pah chuan an Dave-a khum
lamah chuan an in pawm phei a, chutia nula leh tlangval duh leh duh in tawng ta
na na chuan Tetea thil duh loh leh a tum ngai loh, ngaihzawng a neih duh loh
phah hial thin chu an han puitlin ta a.
A haw hnu
chuan Tetea chu a khumah chuan a mu a,
an inngaihtuah nasa khawp a, a lo che sual kher kher chu a in hua in a in dem
hle a, Pathian a hlau ta hle a, tinge ka lo chetsual kher kher le, tih loh tawp
tur ka lo ti a ni ti rilru chung chuan a khumah chuan alet tap tap a, a rilru a
mangang in chu mi zan chu mut har a ti ngei mai. Mahse inchhirin awmzia awm
tawh si lo, ka ti tawh a, ka sualna chu ka pawm mai tur a ni han ti rilru thin
mah se a hmalam hun a thlirin a ngaih hi
a ngam thei thlawt lo. A rawng lo bawl ve tawhna leh a bawl mek te chu dah
angai dawn si. A dah deuh tawp chuan dah chhan sawi a ngai dawn si. A dah loh
chuan ni theiin a hre si lo, a mangang tak zet zet a ni. Dah lo phawt ila tuman
an hre chuang hleinem an ti a, Mahse aman zep thei mah se Pathianin a hrem ngei
a ring tlat bawk si a, a mangang tak zet zet
a ni. Chu mai a la ni hleinem Melody kha a rai palh vaih chuan engtin
nge ka nun tak ang. A lo rai hlauh chuan mualpho na nasa tak a ni dawn si. A
ngaihtuah tak tak phei chuan Pathian duh loh zawng ka ti sia, ka mualpho
theihna tur hian Melody hi a rai tir hrim hrim ang a, ti te in a in ngaihtuah
na sa ngei mai. Pathian hnena ngaihdam dil chu a hreh ta tlat a, a ti sual a,
ngaihdam han dil leh chu zah loh thlak a ti bawk si, a mu thei thlawt lo a ni.
Zinglamah chuan reilo te an lo chhing sek a, a nu chuan Mama tho rawh class kal
hun dawn a nia arawn ti a, peih lo
tawkin an tho a. a rilru chu a nuam thei chuang miah lo.
Ngawih
phawt mai chu atha a ti ta a, Melody nen chuan an in be chho reng a, an in kawp
chho ta zel a, thla a ral hnu chuan a lo rai lo a ni tih a’n hriat chuan a
rilru pawh a nuam hle a, mahse Pathian-ah ain thlahrung tlat a, rawngbawlna ah
pawh in hmang tho mahse a thil tihsual a vang chuan a in thlah dah phah a, a
tui tak tak thei tawh lo a, Melody nen a an in kawp chho pawh chu hmeichhiat
mipatna an hmang chho ta zeuh zeuh a, inthiam lohna pawh nei tawh lo hial
khawpin a nun chu a chau ta hle a, Pathian a hlat hle tawh a, kohhran lamah
chuan a hming chuan a la ti ve tek tek zel tho a ni. Mahse tun hma lama a
thahnem ngaih ang khan thahnem angai tawh lo a, a hming chauh tak takin a awm
ve a, thiante kep ngai rengin a awm a, thil tih ni khuain a pha reng zel bawk
a. A sualna a puang ngam tawh bawk si lo. A nun chu hreawm ti hle mahse asim
thei tawh lo. A dik lo laklawh tawh.
Melody nen
an in kawp atang chuan a nun chu a thlak nasa hle mai a, karkhatah hian vawi
2/3 te hi a rim thin a, an mahni pawh an in hre chiang ve ta hle a, Melody chu
a naupan tet lain a nuin Pasal dang a um a, a pa pawh chuan nupui dang anei ve
leh a, apa bulah chuan Melody chu a awm a, anu bulah chuan a unau dangte an awm
bawk hi a lo ni a, a nun chu hreawm hi a ti ve hle thin a. Tetea hnenah chuan a
sawi ve siam siam thin a ni. A pa leh a nu hrawn te hian fa 3 an nei a,
tleirawl chhuak tir tawh an ni a, an duat em em a, Melody hi chu an chhehchhawl
thin khawp mai. Pawisa te hi an pe vak ngai lo a, nula ve si chuan a daih lo
thin hle a. Tetea hian a tanpui ve fo thin reng a ni.
Zankhat chu
Tetea’n a len tur thu a zuk text chuan Melody chuan naktuk test kan nei dawn a,
zanin chu lo leng lo mai rawh a rawn ti a, Tetea pawh chuan pawilo a ti a, tha
deuh a, zirturin a hrilh a. Chumi zan chuan Michaela chuan message a rawn thawn
a, Rs-i a lu a hai thut a, Civil-ah an dah a, va kal ve ang. Insiam la ka lo
nghak ang che. A rawn ti a, a insiam sawk sawk a, a nu te a hrilh hnu chuan a
chhuak a, damdawiin an va thlen chuan an thiante chu an lo awm nual tawh a,
engngatinge an va ti a, alu hai thut lawm le an ti mai a. Pawnah chuan an ti
mai mai hlawm a. An thian zingah chuan
Michaela nen hian an in kawmngaih bik a, Melody nen an in ngaihzawn pawh hi an
thian zingah chuan Michaela chiah hian a hria a, an zep tlat a ni. Ngaihzawng
neih a, thiante hriattir kher hi a peih lem lo a, Michaela chuan tirawh, ei tur
i zuk lei ang hmiang, intihharh pahin a ti a, an chhuak a, Dar 9 vel a ni tawh
awm e. An chhuk thla chu athlanga taxi chhunga lut chiah chu Melody ni ngeiin a
hria a, engemaw a tih dawn le, Lehkha zir ngai ati sia, nge a chhungte an damlo
thut anga arawn kalpui le a ti a,
Michaela chuan ka lo hmu hman lo re re a lo ti a, Tetea chuan fawnte an phawrh
a, an call chuan switch off a in ti tlat bawk si a, tinge aw. a fawn chu an off
khanglang le, nge nichin mi kha a mah ani lo aw an ti leh a, amah a ni lo
niang, I hai mai mai niang, lehkha a zir anga a off a niang, Michaela chuan an
ti mai a. a ni ngei chuan ka hria a ni. Hawh teh thianten min lo nghak rei lutuk ang. Kan thil lei tur chu zu
lei vat ang a rawn ti a, an kal ta a. Atuka a zawh leh chuan ka chhuak lo hrim
hrim alo ti sam et a, lehkha ka zir a,
ka off daih lawm a ti a.
Tuk dang
ang bawkin Tetea chu Class kal turin a chhuak leh a, ke in a kal a, College ah
hi chuan Bike a keng ngai meuh lo a ni. Ke nih loh chuan Bus in a kal mai thin.
Thui vak lo a kal hnu chuan an College ami chuan a motor atang chuan ilo chuang
ve duh em? arawn ti a, remchang ngawt ang chu tih pah chuan an chuang ve mai a,
amah chu a hmel chu a hria a, mahse chutia han kawm ang tak tak phei chuan a
hre chiang lem lo, 1st year
B.A zirlai hi a ni a, tinge Bike i ken loh a, an ti a, a ka keng lo mai mai an
ti a, an ti ti ta zel a, an vengte an zawh chuan Melody te nen an veng a lo
inang chiah hi alo ni a, “Melody i hria em in vengah, Hrangbana College a kal”
a’n ti a, ani chuan hria e a, ani ang te kan hriat loh ten an ti fiamthu hlut
a, in in hria mi? engtin nge in in hriat a, an ti a, ka hre ve deuh tawp…a..in
chhuang rilru chung deuh hian an ti a, a ni maw, taka ka thianpa nen an in
ngaizawng tawh a, a rawn ti a, Tetea chu a hawi ta hra a, ka thian kawmngaih
deuh mai a nia, mahse tunah chuan an inngaizawng tawh lo. Ngaihzawn chi pawh ni
tawh hek lo an ti a, an College chu an lo thleng ta der mai. Tetea chuan
Ngaihzawn chi anih loh chhan chu a hre chak ngei mai a, mahse an sawi hman tawh
si lo. Nilengin a kal lama Melody ngaihzawn chi a nih loh chhan kha hriat a
chak khawp mai. Keimah min ngaihzawn vang hian tuma’n han bem ngam chi-ah an
ngai tawh lo a ni aniang a, te an ti rilru ran a. Banah chuan Zinga phurtu bawk
chu an zawng rilru leh deuh a, a hmu mai si lo a, thiante nen an haw ho a,
Vawiin chu Michaela alo kal lo a, nuam
lo riau, tinge an ti a, a dam sam lo a, hei keipawh tlawh haw nghal ka tum a,
an ti a, chuan an in then a, Michaela te in lam chu apan a, Michaela te in bul
lawk a Motor lo ding chu an thlek vang vang a, a hmuh hnu ang ati hle a, an en
chiang a, zinga a chuan chhohna kha niin
ahria a, tumah an lo chuang lo va, a rilru ah Melody chungchang a sawi kha a
hre nghal a, chutia a thlek duk duk lai chuan athlang in atang a, a neihtupa lo
chuak chuan, e he, enge itih a, in bang chiah mi a rawn ti a, a phu deuh zuk a, i motor kha
niin ka hre deuh a, kan en lawm le, aw kan bang chiah a, hei ka thianpa kan
tlawh teh ang ka ti a, an ti a, anih chu, keipawh hei ka thiante inah hian kan kawi
lawk lawm le, i thiante inah kal dawn lo la chuan ka rualin lo chhuk leh la tha
tur an ti, nia, remchang viau mahse ka thianpa damlo tlawh lawk ka duh deuh a,
taka thianpa Melody kha vawiin sawi kha sawi chhunzawm leh la, tinge ngaihzawn
chi loh na chu an ti a, i lo star ni
maw,a nui a, ni lo chutiang lam ni lo, I lo star si ang a, ka sawi chuan chi
loh ang a, an ti a, teuh lo mai, enge an ti hra a, taka Call Girl a lawm!!!! Enga!!!!Mahse sawi vak chi chu ni
lo. Tumah phei chuan an hre vak lo ang. (Tetea chu a meng phawk hru a )Kan
thian ho chuan kan hria a, a nu hrawn khuan a ti duhdah ve thei a, sum a mamawh
ve tho sia, zanah a in zuar thin a lawm.
AIDS te hial a vei kan ring tawh mawle. Mahse mi chanchin han sawi vak
hi a nuam lo a, hria vak pawh an awm lo ang. a in thup thiam em a. an ti zung
zung a, Tetea chu tawng pawh tum lo chuan an ding ngawi reng a, ilo chhuk ve
dawn loh chuan ka kal mai dawn, ka hman hmawh deuh a, ni dangah kan la inhmu
dawn nia. Tetea chuan engmah a sawi lo chuan an bu nghat a,a tlan liam ta a,
Tetea mak ti lutuk chu a rilru ngaihtuahnaah chu engmah a awm thei tawh lo. A
dinna piah a, step-ah chuan a thu a, a rilru a mumal tawh lo khawp mai. Kalna
min lo kian teh stepah te hian in thu reng zel a, a rawn tih chuan a harh phut
a, tihpalh tih pah chuan a ding hluai a, a haw ta a, Michaela pawh chu a kan ta
lem lo a, a haw kawng tluan chuan Melody Call Girl maw? tih ringawt a rilruah a
awm thla a, rilru a mumal thei thlawt lo a ni ber mai.
Tawrhthiam
va han har dawn rua em? A hmangaih leh a duh ber mai. Pathian pawi hial a lo
sawi chhan chu mahni taksa hmanga sumdawng, inzuar thin mi mai alo ni si. Chu
mi tlaiah chuan a roomah a in kalh hnan tlat a, a rilru a na lutuk chu a khumah
a mu hlawm tawp a, Melody Call Girl maw? a ni thei lo, kha pa khan a sawichhe
mai mai a ni ang. A ni thei lo, ka bialnu in zuar thin atan chuan ka phal mawlh
lo. an ti a, a rilru chuan an inhnial ta mawlh mawlh a, Tak tak ni ta se,
engtin nge ni ang, HIV+ te a lo nih phei chuan ka tan men ngaihna a awm dawn
lo. Chubakah kan lo mudun ve tawh bawk si, amah a him loh chuan keipawh hi ka
lo him lo ngei dawn si..
(A sam a kek a, a pawt a pawt a, a rilru chu a
buai tak meuh meuh a) Achang leh an inbeng vel thul, tih ngaihna tak a awm mang si lo. Kha
pa khan a sawi chhe ve mai mai a ni ang. A thianpa kha melody hian a duh loh
avangin sawi chhiat nan an hmang a ni ang a, ti rilru mah se, a ring tho bawk
si. A rinna ti belhchhah turin Ts-i damloh zana melody ni ngei a ahriat
damdawiin thlanga zanrei tawh taka taxi a chuang kha a hmu tlat bawk si. A lo ni
tak tak aniang a, khatah khan ain zuar a ni thei mai ang a,an ti leh a, chubakah thianpa khan ahre chiang viau
bawk si an ti a, a rilru hah lutuk chu a bing chuk chuk a, a ni muai muai a, a
tirah khan lo kawp lo zawk ila tha tur, tinge maw Dave-a u te inneihnaah khan
ka lo kal kher kher, kal pawh ni ila, lo haw hma mai ila, tha tur an ti leh hnu
hnawh a, a mang ang tak zet zet a. Engtia han tih tur nge tih reng a ngaihtuah
thiam thlawt lo a ni. Melody in min bum ang maw, engtin nge hetiang hian ka
chungah atih theih, ka nun zawng zawng ati chhe dawn tih a hre tho awm si. Min
hmangaih tak tak amaw ka lo ti a sin le. Ka awm lohna tura ka lo awm vang vek a
ni. A va han pawi ve le aw, ati vawng vawng a. a rilru chu hriatthiam pui thei
bakin a na a ni.
Chu mi tlai
a a nu’n chaw ei tura tetea a rawn ko tur
a room-a arawn kal chuan tetea chu a khum bulah chuan thingthi chung a,
alo in awkhlum chu a hmu a………….
**********************************************************
No comments:
Post a Comment